Ubushyamirane mu Burasirazuba bwo Hagati bwongeye gufata indi ntera kuri uyu wa Mbere, aho igihugu cya Koweit cyatangaje ko cyagabweho ibitero bya missile na drone, bikaba byahise bituma hatangazwa ko hari intwaro zo kwirwanaho zashyizweho kugira ngo zikumire ibyo bitero.
Ibi bibaye mu gihe Leta Zunze Ubumwe za Amerika na zo zemeje ko zagabye ibitero byibasiye ibikoresho bya Iran byo kugenzura intwaro za drone ndetse n’ubwirinzi bwo mu kirere, cyane cyane mu turere twa Qeshm Island na Hormozgan.
Aya makimbirane akomeje kugaragaza izamuka rikomeye ry’ubushyamirane hagati y’ibi bihugu, aho buri ruhande rushinja urundi gutangiza ibitero, mu gihe ibiganiro bigamije gushaka amahoro bigikomeje ariko bikaba bigoye kugerwaho.
Muri rusange, ibi bitero byombi (ibya Iran no kwihorera kwa Amerika) byatumye umutekano mu karere urushaho kuba mubi, cyane cyane mu bihugu byegereye Ikigobe cy’Abarabu nka Koweit, aho uburyo bwo kwirwanaho bwahise bushyirwa ku rwego rwo hejuru.
Kuwait yatangaje ko yagabweho ibitero bya drone zoherejwe na Iran
