Uyu muhango witabiriwe n’ibyamamare bitandukanye, birimo abahanzi n’abakora mu ruganda rw’imyidagaduro nka Bruce Melodie, Chriss Eazy na Rocky Kimomo, ndetse n’abandi nshuti n’abavandimwe b’aba bombi.
Amashusho yagaragaye ku mbuga nkoranyambaga agaragaza M. Iréné n’umukunzi we bari mu muhango wo gusezerana, aho barahiye imbere y’amategeko ko bazabana nk’umugabo n’umugore.
Gusezerana kwabo kwabaye intambwe ikomeye iberekeza ku bukwe bwabo, buteganyijwe ku wa 15 Kanama 2026, bukazabera i Kigali, mu gace ka Gisozi, nk’uko ubutumire bw’ubukwe bwagaragaje
M. Iréné azwi cyane mu itangazamakuru no mu myidagaduro, aho yakoze mu bitangazamakuru bitandukanye birimo Magic FM, Isango Star na Isibo TV. Yanasanzwe afite ibikorwa bye bwite birimo MIE (Murindahabi Irene Entertainment) n’umuyoboro wa YouTube witwa MIE.
Gusezerana imbere y’amategeko kwa M. Iréné na Liliane ni wo muhango ubanjiriza ubukwe bwabo, aho biteganyijwe ko bazakomeza ibirori byo kurushinga mu minsi mike iri imbere.
